Nòter de Clüsù del sinquantot a m'sè particc in sentsesantot e töta chesta rima col ot per dì che in fònd al ghe piàs fà casot. I du Claudio, Giorgio,Maria Grazia,Genio,Franco,Maurizio,la Giannina di bù amis i è indàcc inàcc e tra sinquant'agn a m' farà töcc fèsta in paradis,chi ghe sarà mia a chela coscrissiù pès per lü a l'gavrà de spetà ön'òtra ocasiù. A m'sè mia zèt ch'a m'à tat studiat a m'gh'à dèt öna palpögna,ü vèter in aria e ün archimat ma i solcc in tasca i gh'a manca a nisü e ògne du mis a m'festegia la coscrissiù. Ach i bèle fòmne in dol sinquantot i manca mia ach se quando a m'sia züegn nòter maschietti la carestia a m'patia,adès che forse i m'la dares mèi lagà pert bröta figüra a m'fares. E in fì di fère de chesta orasiù e sapendo ch'a m'ciaperà mai la pensiù a gh'if vòter öna cansù di Pooh ch'a la regorda la òsta coscrissiù.                    

   I scècc dol sinquantot

              ( G.Balduzzi)